სათხილამურო კურორტი ბაკურიანი  ბორჯომის მუნიციპალიტეტში, ზღვის დონიდან 1700 მეტრზე მდებარეობს. ბაკურიანის კლიმატი გამოირჩევა სამკურნალო თვისებებით და  ამ მიზეზით, ბაკურიანში ყოველ სეზონზე ბევრი დამსვენებელია. იანვარი და თებერვალი ზამთრის სეზონისთვის საუკეთესო თვეა. ამ პერიოდში თოვლის რაოდენობა და ხარისხი საუკეთესოა. ბაკურიანის ფერდობები პროფესიონალებს ნამდვილად ვერ მოხიბლავს, თუმცა საუკეთესოა ბავშვებისთვის და დამწყები მოთხილამურეებისათვის.

ბაკურიანში 5 სასრიალო ტრასაა. დიდველის სასრიალო ტრასა განსაკუთრებული ადგილია მოთხილამურეებისთვის, რადგანაც ტრასას მთელ სიგრძეზე მიუყვება ფერად-ფერადი განათებები და ყოველ შაბათ-კვირას შეგიძლიათ ისიამოვნოთ ღამის სრიალით.