დადიანების სასახლე – სამეგრელოს მთავრების, დადიანების რეზიდენცია იყო. სასახლე სამეგრელოს რეგიონში კერძოდ, ქალაქ ზუგდიდის ცენტრში მდებარეობს და საქართველოს XIX საუკუნის არქიტექტურის ერთერთი ულამაზესი ნიმუშია. დადიანების სასახლე დღეისათვის წარმოადგენს სახელმწიფო ისტორიულ-ეთნოგრაფიულ მუზეუმს, სადაც დაცულია საქართველოს ბუნებრივი კულტურული მემკვიდრეობის რამდენიმე ექსპონატი, ასევე ღვთისმშობლის კვართი, ნაპოლეონ ბონაპარტის სიკვდილის ნიღაბი, საერთაშორისო სამხედრო ტექნიკა, არქეოლოგიური ხელსაწყოები, უძველესი ფული და ხელნაწერები. მუზეუმს აკრავს ულამაზესი ბოტანიკური ბაღი, რომელიც აშენებულია დადიანების ოჯახის მიერ. ბაღში გაშენებულია უნიკალური ხეები, რომლებიც მსოფლიოს სხვადასხვა კუთხიდან შეუკრებიათ.