გერგეტის სამება მდებარეობს ყაზბეგის მუნიციპალიტეტში, ზღვის დონიდან 2200 მეტრზე. გერგეტის სამების ეკლესია თავისი ისტორიითა და მდებარეობით წარმოადგენს საქართველოს სახეს – ულამაზეს ბუნებაში ჩაფლული ქრისტიანული ტაძარი.
გერგეთის ტაძრის აგების ზუსტი თარიღი უცნობია, თუმცა ძველი წყაროებისა და არქიტექტურული სტილის მიხედვით წმ. სამება საქართველოს ეკლესიის აღმავლობის ხანაში, XIV საუკუნეშია აგებული, არც მის მშენებლებსა და მშენებლობაზეა შემონახული ცნობები. სამება ხევის უმთავრესი სალოცავი იყო. გალავნით შემოზღუდულ კომპლექსში შედის სამების გუმბათოვანი ტაძარი, სამრეკლო და საბჭეო. ტაძარს მინიჭებული აქვს ეროვნული მნიშვნელობის კულტურის უძრავი ძეგლის კატეგორია.
Comment (0)