გომისმთა წარმოადგენს მაღალმთიან კურორტს გურიაში, ოზურგეთის მუნიციპალიტეტში. მისი სიმაღლე ზღვის დონიდან 2100 მეტრიდან 2755 მეტრამდე მერყეობს. საზაფხულო კურორტი გამორჩეულია სამკურნალო თვისებების მქონე ბუნებრივ-კლიმატური პირობებით, რასაც ზღვისა და მთის ჰაერის შერწყმა განაპირობებს. გომისმთა გარშემორტყმულია ნაძვისა და სოჭის ტყეებით, მდიდარია მინერალური წყლებითა და სხვა ბუნებრივი რესურსებით. გომისმთა მოგაგონებთ ნისლების სამეფოს სადაც ჩამავალი და ამომავალი მზე დაუვიწყარ სანახაობას ქმნის.