მესტია გამორჩეულია საოცარი, ულამაზესი ბუნებითა და კულტურული ძეგლების სიმრავლით. მომნუსხველი და დაუვიწყარია სვანეთის მშვენება – მწვერვალი უშბა. საქართველოს უმაღლესი მწვერვალი შხარა, აზიდული კლდეებიდან გამომდინარი ჩანჩქერები და ცასავით ლურჯი ალპური ტბები. ეს ადგილი გამორჩეულია სვანური კოშკებით, უნიკალური ტაძრებითა და სხვადასხვა საყოფაცხოვრებო თუ რელიგიური ნიმუშებით, მესტია ასევე მდიდარია მისი ისტორიულ-კულტურული ღირებულებებით, სიძველეებით და ტრადიციებით.