ნარიყალას ციხესიმაგრე დღეისათვის ყველაზე პოპულარული ადგილია როგორც ადგილობრივებისთვის, ისე ტურისტებისთვის. ისტორიულ წყაროებში ნარიყალას ციხესიმაგრეს “შურის ციხეს” უწოდებენ. თავად ციხესიმაგრის კედლები სხვადასხვა პერიოდით თარიღდება, რომელთაგან უძველესია მეოთხე საუკუნე, როდესაც ის წარმოადგენდა სპარსთა შიდა ციხეს. შეიძლება ითქვას, რომ  ნარიყალას გარეშე თავის თვითმყოფადობას ვერ შეინარჩუნებდა დედაქალაქი და ძველი თბილისის სიამაყე ნამდვილად იმსახურებს ყურადღებას. ნარიყალას ციხესიმაგრე თითქმის თბილისის ყველა მხრიდან ჩანს და განსაკუთრებით მშვენიერია ღამით. ის გადაჰყურებს მტკვარს, რაც კიდევ უფრო მეტ ხიბლს მატებს გარემოს. ნარიყალა მოქცეულია თბილისის ორ უმნიშვნელოვანესს ადგილს: გოგირდის აბანოებსა (ძველ თბილისში, აბანოთუბანში,) და ბოტანიკურ ბაღს შორის.