სათაფლია მდებარეობს იმერეთში, სათაფლიის მთაზე. ნაკრძალი, რომელიც დაარსდა 1935 წელს შეიცავს გეოლოგიურ, პალეონტოლოგიურ, სპელეოლოგიურ, ზოოლოგიურ და ბოტანიკურ ძეგლებს.

სათაფლია იმერეთის დაცული ტერიტორიის ნაწილია, რომლის ინფრასტრუქტურა მოიცავს: ვიზიტორთა ცენტრს, დინოზავრის ნაკვალევის საკონსერვაციო ნაგებობას, საგამოფენო დარბაზს, შუშის პანორამულ გადასახედს, კაფეებს, სუვენირების მაღაზიებს, კეთილმოწყობილ მღვიმესა და მარკირებულ ბილიკებს.

ნაკრძალის სტუმრებს შეუძლიათ მოინახულონ დინოზავრის გაქვავებული ნაკვალევი, სათაფლიის კარსტული მღვიმე, კლდის ბილიკი, კოლხური ტყე და პანორამული გადასახედები.

ნაკრძალის სახელწოდება, რომელიც ნიშნავს „თაფლის ადგილს“,  წარმოიშვა სათაფლიის მთისაგან, რომელმაც სახელი მიიღო მთაში მცხოვრები ფუტკრებისაგან თაფლის შეგროვების ძველი ტრადიციისაგან.