უშგული სვანეთის ერთ-ერთი ულამაზესი ადგილია, რომელიც შედგება 4 სოფლისგან: ჟიბიანი, ჩვიბიანი, მურყმელი, ჩაჟაში (თემის ცენტრი). უშგული მდებარეობს შხარას ძირას, ენგურისა და შავწყალა-ქვიშარას შესართავთან. უშგულის თემის სიმაღლე მერყეობს ზღვის დონიდან 2060 მეტრიდან 2200 მეტრამდე. უშგულის თემის ერთ-ერთი სოფელი, ჩაჟაში, იუნესკოს მსოფლიო მემკვიდრეობის ძეგლია. ხშირია ტიპური სვანური თავდაცვითი კოშკები. მათი რაოდენობა ამჟამად 30-მდეა.უშგული ცნობილია საცხოვრებელი კოშკებით, რომლებსაც ჰქონდათ როგორც საცხოვრებელი ასევე თავდაცვითი ფუნქცია ისტორიულ ეპოქაში.